السلام عليكم ورحمة الله وبركاته
وصلنا سؤال في الواتس اب، عن التريقر ؟
وش التريقر ؟ بكم ؟ أشتريه والا لا ؟
وش أفضل تريقر موجود ؟
لو ما شريته أقدر أصور ؟
:
تريقر الكاميرا – Camera Trigger
تريقر الكاميرا “للأسف ما أعرف مصطلح عربي له” هو أحد اكسسوارات الكاميرا بشكل عام وأحد اكسسوارات الإضاءة بشكل خاص.
التريقر هو الأداة اللي توصل مابين الكاميرا والفلاشات الخارجية.
إذا عندك كاميرا وعندك فلاشات خارجية، وتبغى تربط بينهم.
عندك طريقتين
الأولى توصل سلك مباشر.
الطريقة الثانية هي عن طريق استخدام التريقر (بطريقة لاسلكية)
قطعة توصل مع الكاميرا.
القطعة الثانية توصل مع الفلاش الخارجي.
فيه طريقة ثالثة عن طريق تزامن فلاش الكاميرا المدمج مع الفلاش الخارجي، وبيكون لها موضوع مستقل إن شاء الله.
تريقر الكاميرا – Camera Trigger
التريقر وظيفته بسيطة جداً.
أول ما تضغط زر التصوير، تقوم القطعة الموصلة في الكاميرا بإرسال إشارة إلى القطعة الموصلة مع الفلاش ويتم التزامن بين التصوير وومضة الفلاش.
هذه الإشارة ممكن تكون عن طريق أشعة تحت الحمراء – وقتها تحتاج التريقر والكاميرا متقابلين
وفيه بعض الأنواع ترسل إشارة بطريقة لاسلكية وهي الأفضل.
تريقر الكاميرا – Camera Trigger
تريقر الكاميرا ممكن يكون سعره رخيص ويكون أقل من ١٠٠ ريال. بس الاختيارات بتكون محدووودة جداً، ويمكن مساحة الإرسال تكون قصيرة (محدودة في عدة مترات)
وممكن يكون التريقر بمواصفات عالية، وخيارات كثيرة ومساحة إرسال كبيـــرة
لكن سعره بيكون أكثر من ١٠٠٠ ريال
تريقر الكاميرا – Camera Trigger
التريقر قطعة مفيدة ومهمة لكل مصور لديه فلاش خارجي.
الفلاش الخارجي ممكن يكون فلاش كاميرا خارجي وممكن يكون فلاش استوديو. وفي كل الحالتين هذه القطعة لا غنى عنها.
شاركونا بالتريقر الخاص فيكم، نوعه / رأيكم فيه / تجاربكم معه / وصوره له إذا أمكن.
وسيتم تحديث الموضوع وعرض التريقر هنا.
نتمنى أن تكونوا قد وجدتم الفائدة في موضوع اليوم
كل الشكر والتقدير لكم على دعمكم ومتابعتكم