السلام عليكم ورحمة الله وبركاته
نشكر جميع الزوار والمتابعين لنا في تويتر على تواصلهم ودعمهم
درس اليوم هو عن عنصر مهم في الكاميرا ويسبب اختلافات كثير من ناحية جودة الصور وتأثير العدسات واختلاف أسعار الكاميرات
درس اليوم عن حساس الكاميرا
حساس الكاميرا
حساس الكاميرا هو الجهاز اللي يستقبل البيانات الضوئية ويحولها إلى إشارات تتحول بعدين إلى صورة رقمية
مثله مثل وظيفة الفلم في الكاميرات السابقة
وذكرنا في موضوع مصغر عن ستيفن ساسون انه أول من طلع الكاميرات الرقمية .. وكان ببساط؛ استبدال الفلم بحساس
مكان الحساس
الحساس مثل موجود في جسم الكاميرا (البودي)
موجود في آخر جسم الكاميرا وخلف المرآة حقت الكاميرا زي ما تشوفون في الصورة هذي
أنواع الحساسات
فيه أنواع وأحجام للحساسات
في الكاميرات القديمة نوعاً ما كان الحساس المستخدم في الكاميرات الرقميةCCD
ويمتاز بأنه أقل نويز وممكن تصنيعه ليصل لأحجام كبيرة
حالياً ومع أغلب الكاميزات يستخدم المصنعون الحساس من نوعCMOS
لأنه ما يكلف المصنعين الكثير بالإضافة لأن حجمه أصغر ويساعد في تصغير أحجام الكاميرات بس يعيبه حساسيته العالية للضوء
وفيه فروق أخرى بين هالاثنين وسيتم توضيحها في الدروس المتقدمة إن شاء الله
يختلف حجم الحساس من كاميرا لكاميرا
وكل حساس يمتلك مجموعة كبيرة من الخلايا اللي تسمى بيكسل وكل بيكسل مسؤول عن تحويل الضوء وترجمته إلى بيانات رقمية
لأن الحساس .. هو الشيء اللي يعكس دقة الكاميرا ..
إذا الكاميرا ١٠ ميغا بيكسل .. معناها ان الحساس دقته ١٠ ميغا بيكسل
تأثير الحساس على الصور
غالباً الحساس (كحجم) يأثر على الصور بشكل كبير
كل ما كان الحساس أكبر كل ما كانت الدقة أعلى
كل ما كان الحساس أكبر كل ما كان عمق الميدان أكبر
كل ما كان الحساس أكبر كل ما ارتفع النويز
الاهتمام بالحساس
الحساس يعتبر أداة مهمة في الكاميرا وتأثرها بأي شيء بيأثر على طول على الصور
الحساس قيمته غالية نوعاً ما .. تقريبا ربع قيمة الكاميرا
أتمنى أتمنى أتمنى أتمني .. محد يسوي زي كذا الا إذا كان عارف بالضبط وش يسوي ومجهز البيئة المناسبة
النفخ في الحساس يأثر كثير .. خصوصآ مع علمية التعريض
التعريض يسبب تسخين الحساس .. ومع التسخين يصير تأثره بالهواء سريع جدا .. وممكن يسبب لنا dead pixel يعني بيكسلات ميتة
وتصير صورنا كللللللها زي كذا
الصورة رووووعة .. بس الطلعت بقعتين حاسوا لنا كل التكوين ..
بتقولون فوتوشوب يشيلها ؟ يعني كل صورة بتسوون فيها كذا ؟
غيوم سوداء ؟!!
نصائح عامة
– لا تنظف كاميرتك بنفسك إلا إذا كنت تعرف بالضبط وش تسوي
– لا تنظف كاميرتك في الاستراحة والشباب جنبك يعسلون
– لا تنظف الكاميرا كل أسبوع !
– عند تبديل العدسات .. تأكد ان الجو مناسب (لا تغير عدستك في البر والدنيا عج)
– لا تغير العدسة في جو رطب
أتمنى انكم لقيتوا الفائدة في درسنا هذا
وبإذن الله في الدرس القادم بنستعرض الفرق بين حساسات الكميرات ( full frame ) + ( cropped frame )
في حال وجود أي استفسار لا تترددون في التواصل معنا
شكراً لكم