365 درسأساسيات التصوير

[ دروس تصوير ] الدرس رقم ٢ – سرعة الغالق

 

بسم الله الرحمن الرحيم

السلام عليكم ورحمة الله وبركاته

نرحب بجميع المتابعين والزائرين

بعد درس أمس بخصوص مثلث التعريض تعلمنا ان فيه ٣ عناصر تأثر في كمية الضوء الداخل للكاميرا

واليوم بنتكلم عن واحد منها والكثير يشتكون منه خصوصاً في المناسبات الخاصة واللحظات اللي صعب تتكرر.

سرعة الغالق

أسماء أخرى

وقت التعريض٬ سرعة الغالق٬ shutter speed –  شتر سبييد

سرعة الغالق  يتم التحكم بها من الكاميرا ويعتبر أحد مواصفات الكاميرا

يعني إذا جيت تشتري كاميرا بتحصله موجود في أحد الخيارات

بس إذا جيت تشتري عدسة ما تسأل عن وقت التعريض أو سرعة الغالق حقها أو الشتر حقها كم !! بيجيك اللي في المحل ويقول وش يبي ذا !!

دائماً تحصله مابين ١/٤٠٠٠ إلى ١٥ أو ٣٠ ثانية – بس ترا هالشيء موجود في ٩٥٪ من الكاميرات وكلها تتشابه في المدى هذا

بنفهم مع بعض أكثر بعد شوي.

وقت التعريض ٬ ياشين الترجمة

اسمه في الأساس اكسبوجر تايم

Exposure Time

بس أنا بسميه الشتر سبيد أو الشتر لحاله بعد

الشتر هو الوقت اللي يفتح فيه الغالق ويسمح بمرور الضوء ويقفل عليه داخل الحساس

كلام كأنه طلاسم… إلا طلاسم

والله عارف ٬ حتى أنا ما فهمت

بس خلونا نتخيل مع بعض

في باب داخل الكاميرا يفتح ويصك بسرعة

وفيه واحد متخبي ورى هالباب يبي يشوف اذا انفتح الباب وبيلقط أي شيء تطيح عليه عينه

الباب هو الغالق

أبو الشباب اللي متخبي هو الحساس

وسرعة فتح الباب وتسكيره هو الشتر سبيد

شكل الغالق في الكاميرا ؟

قلنا لكم باب .. بس باب شكله يختلف شوي

وش يرمز للشتر ؟

يرمز له بالثواني بشكل عام

يعني ١/١٠٠ ثانية (معناها الغالق بيفتح وبيسكر في جزء من ١٠٠ جزء من الثانية)

١/٦٠ ثانية (معناها الغالق بيفتح وبيسكر في جزء من ١٠٠ جزء من الثانية)

١/٤ ثانية أو ربع ثانية (معناها الغالق بيفتح وبيسكر في ربع ثانية)

١” ثانية (معناها الغالق بيفتح وبيسكر بعد ثانية)

١٠ ثواني (معناها الغالق بيفتح وبيسكر بعد ١٠ ثواني)

… الخ

وين أشوف الغالق أو الشتر سبيد في الكاميرا ؟

الشتر سبيد موجود على شاشة الكاميرا

ويعذرونا مستخدمين سوني وفوجي وباناسونيك ما حطينا لهم مثال

الرقم ٦٠ معناها ١/٦٠

بس اذا طلع لنا رقم زي ٤” أو ٢” ،،، معناها انه ٤ ثواني أو ثانيتين

تأثيير الشتر على الصورة

يأثر الشتر سبيد أو سرعة الغالق على الصورة في شغلتين

١- كمية الإضاءة ـ وهذا شيء مشترك في كل عوامل مثلث التعريض

٢– تثبيت الحركة

كل ما كانت سرعة الغالق أسرع كل ما كان الضوء اللي يدخل أقل

وكل ما كانت سرعة الغالق بطيئة كل ما زاد الضوء اللي يدخل للحساس

يعني

لو صورنا صورة والغالق ١ ثانية

وصورة ثانية الغالق ٤ ثواني

اللي بتكون إضاءتها أكثر هي الصورة أم ٤ ثواني

مثال ثاني

لو صورنا صورة والغالق ١/١٠٠

وصورة ثانية الغالق فيه ١/٢٠

اللي بتكون إضاءتها آكثر هي الصورة أم ١/٢٠

بيجي واحد الحين مطفي النور ويقول .. أجل بخليها دائما أبطأ شيء

طبعاً لا

ليه ؟

أول شيء .. يمكن أبطأ شيء يكون إضاءة زايدة

وكلنا في التصوير ندور إضاءة موزونة

بيجي خوينا المطفي ويقول .. أجل بخليها دائما أبطأ شيء موزون

طبعاً لا .. مرة ثانية

ليه ؟

فوق قلنا .. سرعة الغالق تساعد في تثبيت الحركة

والحركة نوعين .. حركة الكاميرا وحركة الجسم المصور

لو خلينا سرعة الغالق على ١٠ ثواني وجينا نصور طفل أو واحد يلعب كورة .. بتكون النتائج جداً سيئة

لأنه خلال فتحة الغالق وتسكيرته .. محد ثابت لك

حتى لو استخدمت حامل

لأن الحامل يثبت الكاميرا ما يثبت الجسم المصور

يمكن هالصورة توضح موضوع الحركة

 

طيب كم السرعات المعروفة والمستخدمة دائماً ؟

مافيه .. يعتمد على بزرانكم وتجربتك الخاصة

الأشخاص اللي جالسين ويتكلمون ..وفيه احتمالية حركة يد بسيطة

نستخدم معهم  سرعة غالق ماتقل عن ١/٤٠

واذا الحركة أكثر

نزيد السرعة ونستخدم ١/٦٠ أو ١/٨٠

إذا الدعوة مطامر وركض نستخدم ١/١٦٠ أو ١/٢٠٠

فيه أحيان كثيرة نبي نصور اللي قدامنا وتطلع الصورة مهزوزة

ويكون اللي قدامنا متصنم وما يتحرك أو انه هو من جد ما يتحرك زي وردة/عطر/عمارة

بس مع كذا تطلع الصور مهزوزة

والمصور عارف ان الاهتزاز صار بسبب حركة يده

الحل وقتها انه يالمصور ستخدم حامل أو يعدل في العنصرين الثانين من عناصر مثلث التعريض

يا فتحة العدسة أو الآيزو وبيتم شرح كل واحد لحاله إن شاء الله

 مقلوب البعد البؤري

أحياناً يكون المصور يصور صورة بسرعة غالق ١/١٠٠ وتطلع الصور مهزوزة.. مع انه قاعد يصور جدار !!

مستحيل الجدار يتحرك ومستحيل اهتزاز اليد يأثر !

وين الاهتزاز صار أجل ؟

نروح نسأل المصور عن العدسة اللي استخدم وأكيد بنلقاه يستخدم عدسة تيلي فوتو ( زووم ) وبعدها البؤري مثلاً ٤٠٠ مم

وقتها نقول له الله يخليك ثاني مرة استخدم شتر سبيد أقل شيء ١/٤٠٠

وهذا هو مقلوب البعد البؤري ويهدف الى تجنب اهتزاز الكاميرا نفسها

إذا العدسة بعدها البؤري ١٠٠ نستخدم سرعة غالق ١/١٠٠

إذا البعد البؤري ٥٥ نستخم سرعة غالق ١/٥٥ أو أسرع

إذا البعد البؤري ١٨ نستخدم سرعة غالق ١/١٨ أو أسرع

بحثت في الانترنت عن بعض النماذج اللي اتوقع تساعد في توضيح الفكزة

نشوف في الصورة اللي فوق كيف تجميد الحركة والسبب استخدام سرعة غالق سريعة جداً وهي جزء من ٢٠٠٠ جزء من الثانية

 الإضاءة كانت طبيعية ( شمس ) وكافية جداً عشان كذا ما ظلمت الصورة

أنا اعتبر المصور هنا خرج عن المألوف وصور لنا الساعة مع حركة عقرب الثواني.

تقدرون تعرفون الشتر سبيد من عدد المرات اللي وقف فيها العقرب.

هنا تجميد رائع للحركة

يمكن هذي تسبب فضول للكثيرين

بس فيه درس خاص عن تصوير الشلالات في الفترة القادمة

المصور براين استخدم شتر سبيد ٤ ثواني عشان الكاميرا تسجل كل الحركات الحاصلة خلال الـ ٤ ثواني

كان يستخدم حامل ثلاثي أكيد والا كان لقينا كل شيء مهتز

في الصورة نفسها .. كل شيء كان ثابت ما عدا الموية

فالكاميرا سجلت حركة الموية مع بقاء الأجسام الثابتة .. ثابتة

طبعا مع زيادة سرعة الغالق راح تظلم الصورة

خصوصاً إذا ما كان عندنا مصدر إضاءة قوي نقدر نتحكم فيه – مثل صورة الفهد

وقتها نبدأ نغير في الخيارات الثانية اللي هي فتحة العدسة أو الحساسية

تابعونا مع الدرس القادم وإن شاء تحصلون الفائدة

فيه سؤال دايما يتردد ..

أبي أصور صورة مهيب مهزوزة بس ما أبغى أغير في الاعدادات كثير

الجواب :

نحط الكاميرا على مود ( أولوية الغالق)

يرمز له في كاميرات كانون بحرف Tv

وفي كاميرات نيكون بالحرف S

أول ما نحط الكاميرا على هذا المود.. الكاميرا تسوي الإعدادات حقت فتحة العدسة

بس المطلوب منك كمصور تعرف الشيء اللي قدامك وش الغالق اللي يجمده

ما نستغني عن آراؤكم وملاحظاتكم

تقدرون تطلبون أو تسألون عن أي موضوع خاص بالتصوير أو معالجة الصور وراح نتجاوب معكم بأسرع وقت إن شاء الله

موجودين على تويتر وفي المدونة دائماً

 

اظهر المزيد

مقالات ذات صلة

‫73 تعليقات

    1. شكراً لك Alaa على تواصلك معنا.
      يهمنا تقديم الفائدة للجميع، وإن شاء الله تستفيدون من هذا الموضوع وغيره.

  1. روووووووووووووووووووووووووووعه

    على كثر ماقريت عن الشتر والغالق والحساس مافهمت المقصود بشكل مرضي بالنسبة لي

    لكن بعد ماقرئت هذه الصفحة كان على مثل الغالق وابشرك ستر الشتر فيه عاليه وحساس المخ لقط المعلومة

    شكرااااااااااااااااااااااااا استمر استمر استمر

    1. شكراً على تواصلك أخ محمد.
      نتمنى أن تجد الفائدة دائماً في مواضيعنا.
      الله يديم لك حساس المخ بنفس الفعالية ان شاء الله.

  2. اخوي مع اني لي سنتين ماتحمست اعلم التصوير الا معك شرحك بسيط وومتع الله يسخر لك ماتريد ياااارب

    1. حياك الله لولو.
      نفرح كثير بتواصلك وحماسك في التصوير. وإن شاء الله تحصلين الفائدة في جميع المواضيع
      كل الشكر والتقدير لك.

  3. السلام عليكم عندي كانون ٤٥٠d
    ابي اعرف وشلون اغير الشتر الي هذا الرقم ١٢٥ – ٢٥٠
    وعندي مشكله فيها رقم الشتر يطلع 1″3

    1. وعليكم السلام ورحمة الله وبركاته.
      تغيير سرعة الغالق عن طريق البكرة الموجودة في الأعلى .
      تأكد ان وضع التصوير على M أو Tv
      إذا حصلت علامة ” معناها انه ثواني
      إذا ما كانت علامة ” موجودة .. معناها أجزاء من الثانية
      مثلاً ١٢٥ (معناها ١٢٥ جزء من الثانية)

  4. بصرحه الشرح الكثر من رائع

    ولكن عندي ملاحظة بسيطه جداً جداً

    وهو لو يكن الشرح مدعم بالمصطلحات الانجليزيه والعربيه الخاصه بالكيمرات

    لان اغلب الكلام يختلف في الشرح والكيمره

    والف الف شكر

    الى الدرس التالي

    1. شكراً لك على تواصلك وردك.
      توجيهكم ونصائحكم لنا محل اهتمامنا دائماً.
      سيتم الاهتمام بهذه النقطة في المواضيع القادمة.

      شكراً نضال.

  5. السلام عليكم و ر حمة الله و بركاته :
    يا اخواني انا شريت Sony NEX-7 و توهقت, ما عرفت استخدمها و لا لقيت شروحات لها في النت…
    تكفون ساعدوني ^_^

    1. وعليكم السلام ورحمة الله وبركاته
      حياك الله Thai boy
      الكاميرا ما جاء معها كاتلوج أو كتيب فيه شرح لاستخدام الكاميرا ؟
      وش تحب نساعدك فيه ؟

  6. فِعلاً دِروس مُفيدَه جِداً ، وإسلوبْ مُبسَط وممتْع ..
    بإذن الله سأگملها حَتى النهايه ..
    جَزى الله گل مَنْ گتبْ وساهمْ خِير الجَزاء ..

  7. شكراً شكراً شكراً لك من القلب

    دايما ادور شروحات لبعض الامور مثل الشتر وشلون اضبطه واسأل نفسي هالوضع شنو احتاجله وشلون اتصرف

    شروحاتك مبسطططه وايد ولا احس بتعقيد تقول مسائل رياضيات الله يهداهم في اغلب الشروحات

    استفدت منك وايد يعطيك العافيه/ او / يعطيكم العافيه

    1. حياك الله jumana
      تشرفنا بزيارتك وردك.
      الله يعطيك ألف عافية.
      وإن شاء الله تجدين الفائدة في مواضيعنا.
      لك منا كل التقدير والاحترام.

  8. عندي استفسار:
    بعض الممرات احتاج ثبات في الصوره والتغيير في فتحة العدسه والايزو يزعجني

    ابي الايزو في حدود ٤٠٠ او ٨٠٠ بالكثير عشان الحده بالصوره واوسع فتحة العدسة لاكبر شي عشان يدش الضوء
    والشتر سبيد لازم اخليه بحدود ال٥٠٠ او اقل بشوي

    والنتيجة صوره سوده! ما تضبط معاي

    معنه الغرفه منوره بشكل كبير

    شلون احصل على نتيجة مرضيه ما يشوبها الخلل من غير لا اغير ولا ملم من اعداداتي

    لان شيء مزعج بصراحه

    1. حياك الله jumana
      يمكن هذا الموضوع يفيدك ( ليه الصورة مهزوزة ؟ )
      بالنسبة لاستخدام الشتر سبيد ٥٠٠ فأعتقد انه عالي (خصوصاً انك بتصورين داخل غرفة)
      يعني السرعة عالية جداً مقارنة بالحركة الطبيعية للأشخاص.
      وش نوع كاميرتك jumana ?

  9. طيب والحين افهم ان بطئ الغالق يزود الاضائه واسرعه تخفض الاضائه كيف ابي اصور صوره بغالق بطئ وفي وتحت ضوء الشمس من غير ما تخرب

    1. أهلاً عبدالله
      فهمك لسرعة الغالق صحيح ١٠٠٪. في حال رغبتك في التصوير بسرعة غالق بطيئة وفيه ضوء قوي ( مثل تصوير الشلالات) وقتها تحتاج لفلتر ND

      نقترح عليك زيارة هذا الموضوع
      http://www.365tut.com/?p=1521

  10. أستاذي يعطيك الف عافيه
    انا كامرتي كانون d600 دوبني مشتريتها موعارفه شي
    ابغى اطبق زي صوره الساعه لي حاطه
    سوال / كم رقم الشتر وفتحه العدسه و iso>>? لاني جربت طلعت ظلمه صوره مازبط 🙂

    1. أهلا بك says365

      اذا تحبين تطبقين نفس صورة الساعة.
      جربي تحطين الكاميرا على وضع Tv
      وغيري سرعة الغالق وخليها 8″
      وإن شاء الله تضبط معك
      لمعلومات أكثر عن أوضاع التصوير، هنا درس يوضح الأوضاع المختلفة للتصوير
      http://www.365tut.com/?p=618

  11. مساء الخير أخوي … عندي بعض الاستفسارات
    ذكرت بسرعة الغالق””” لو صورنا صورة والغالق ١ ثانية

    وصورة ثانية الغالق ٤ ثواني

    اللي بتكون إضاءتها أكثر هي الصورة أم ٤ ثواني””””
    بس جربتها بلكام طلعت الصورة ام 4 ثواني مظلمة أكثر …

    وكمان تكلمت عن البعد البؤري ممكن تشرحه ؟؟

    1. أهلاً بك tOoG

      بالنسبة لسرعة الغالق. إذا كان في الكاميرا رقم (٤) معناها انه ١/٤ (أي ربع ثانية)
      لكن إذا كان مسجل (٤”) معناها أربع ثواني
      .
      بالنسبة للبعد البؤري، تفضل هذا درس خاص عن البعد البؤري
      http://www.365tut.com/?p=3954

  12. السلام عليكم اولا جزاك الله عنا خير بس عندي سؤال عند التصوير داخل قاعات الافراح نحتاج نضبط س

    1. وعليكم السلام،
      أهلاً بك Diab

      تختلف الإعدادات بحسب القاعة وقوة الإضاءة. لكن يفضل استخدام فلاش خارجي وتوجيهه للأعلى بزاوية بسيطة.
      لا تصور بفتحة أقل من 5.6 وسرعة أبطأ من ١/٦٠ وتحكم بالآيزو.

  13. السلام عليكم اولا جزاك الله عنا خير بس عندي سؤال عند التصوير داخل قاعات الافراح نحتاج نضبط الشتر علي سرعه عاليه الي حد ما لالتقاط الصور ذات الحركه السريعه اثناء العرس بس كيف اعالج مشكله الاضائة لان بداخل القاعات الاضافه ضعيفة و بنفس الاوقت سرعه الشتر لن تسمح بمرور كميه كافيه من الضوء

    و تاني سؤال ما فائده الفلاش الاضافي و ما هي وظيفته و طريقة استخدامة؟؟

    اسف علي الاطاله

  14. شكرا جزيلا ع المدونه القيمه ..
    ابي اسال عن الحامل اقدر استغني عنه تماما ك مصور او لا؟
    وش الحالات الي ضروري استعمل فيها الحامل؟
    اذا جيت اصور طفل او منظر بحر او اي شئ بالطبيعه ضروري استخدمه؟

    1. ايضا لدي سؤال , كاميرتي d600 , وسالفه انو كل ما جيت اصور صوره ابجلس اغير في الايزو والشتر وفتحة العدسه
      شئ مزعج ويملل , مافي طريقه اقدر احفظ فيها اعدادات معينه , يعني اذا جيت اصور بورتريه اروح على اعداتي الي انا مسويتها واضغط عليها واصور ما يحتاج اعدل كل مرا مثلث التعريض ؟

      1. أهلاً بك رؤى،

        ممكن في البداية يكون الشيء صعب ومتعب.
        لكن مع الوقت سيكون جداً سهل لدرجة أن تعديلهم مثل عمل زووم (من البساطة).
        لكن بالإمكان استخدام الأوضاع الأخرى في التصوير مثل P, Tv , Av
        وتم شرحها في هذا الموضوع
        http://www.365tut.com/?p=618

    2. الشكر موصول لكم رؤى على تواصلكم معنا.

      الحامل يستخدم في حال استخدام سرعة بطيئة.
      والسرعة البطيئة في الغالب تستخدم في الإضاءة المنخفضة.

      لكن تصوير الأطفال لا تحتاج الى استخدام حامل.

  15. درست التصوير من كم شهر في معهد لمدة ٤شهور وصراحة ما اتعلمنا غير الأساسيات ومو اكتير استفدنا هاد الدرس بيحتوي تفاصيل اكثر واستفدت منو وفهمتو اكثر عنجد شكرًا أكثير

  16. الصراحة شرح،خطير وانا كنت ناوى اجيب كاميرا بس كنت مت متخوف من صعوبة استخدامها اما مع هذه الدروس تجيبها وانا مطمن

  17. الدرس جدآ جميل و مفيد بشكل سلس ، دايم استخدم الوضع TV للتصوير لمن ابي اضاءة لاكن مشكلتي تكون في اهتزاز يدي هل ذا معناته لازم ترايبود مع هذا الوضع او لا ؟

    1. أهلاً بك nano,

      الوضع TV يقوم بوضع كل شيء أوتو ماعدا سرعة الغالق، إذا كانت الصور مهتزة ولايوجد حامل فيفضل زيادة الآيزو.

زر الذهاب إلى الأعلى